Ky blog ka për qëllim të dokumentojë dhe të ndajë procesin e krijimit të maketit të shkollës sonë, duke ofruar një pasqyrë të detajuar të secilit hap të projektit. Përmes postimeve, do të ndajmë përvojat, sfidat dhe suksese që ndodhin gjatë ndërtimit të maketit, duke përfshirë planifikimin, ndihmën e bashkëpunëtorëve, dhe çdo detaj të rëndësishëm që kontribuon në realizimin e këtij projekti kreativ. Ky blog është gjithashtu një burim informacioni për të gjithë ata që dëshirojnë të mësojnë rreth ndërtimit të modeleve dhe përdorimit të mjeteve dhe materialeve për këtë qëllim.
Posts
Ndërtimi i Maketit të Një Ndërtese – Një Udhëtim i Mrekullueshëm në Botën e Matematikës dhe Arkitekturës Hyrje Matematika është gjithandej rreth nesh – në format e ndërtesave, në ekuilibrin e strukturave dhe në çdo llogaritje që siguron stabilitetin e tyre. Por a mund të shohim dhe të prekim matematikën në veprim? Për ta zbuluar, ne, nxënësit e klasës së 8-të në Shkollën 9-Vjecare Jofif Prifti Kozare, morëm përsipër një projekt të jashtëzakonshëm: ndërtimin e një maketi ndërtese.
Faza 1: Ideimi dhe Planifikimi (Tetor) – Udhëtimi Fillon! Çdo ndërtesë fillon me një ide! Për këtë arsye, muaji tetor ishte i dedikuar brainstorming-ut dhe planifikimit. Në këtë fazë, ne: ✔ Diskutuam për llojet e ndërtesave dhe vendosëm që maketi ynë të përfaqësonte shkollën tonë. ✔ Hulumtuam për përdorimin e matematikës në arkitekturë dhe ndërtim. ✔ Analizuam strukturën e ndërtesave ekzistuese dhe kuptuam konceptet e gjeometrisë që fshiheshin pas tyre. ✔ U ndamë në grupe pune: arkitektët, matematikanët, ndërtuesit dhe dizajnuesit. Moment i veçantë: Vendosja për llojin e maketit ishte një sfidë më vete! Fillimisht, idetë ishin të ndryshme, por kur sugjeruam që të ndërtonim një maket të shkollës tonë, të gjithë e pranuan me entuziazëm. Ishte një mënyrë për të përjetësuar vendin ku kalojmë vitet më të rëndësishme të jetës sonë.
Ky projekt, i shtrirë nga tetori deri në prill, përfshiu 7 faza kryesore, secila me sfidat dhe emocionet e veta. Ishte një kombinim i matematikës, artit, kreativitetit dhe punës në grup, duke na ndihmuar të kuptojmë më mirë sesi funksionon bota rreth nesh. Në këtë blog, do t’ju tregojmë hap pas hapi këtë udhëtim, nga ideja e parë deri tek produkti përfundimtar!
Faza 2: Skicimi dhe Hartimi i Planit (Nëntor) – Nga Ideja në Letër Një ide e mirë ka nevojë për një plan të qartë! Në këtë muaj: ✔ Skicuam planet fillestare të ndërtesës, duke përdorur fletë milimetrike dhe mjete matëse. ✔ Llogaritëm përmasat reale të shkollës dhe bëmë raportin e zvogëlimit për të ndërtuar maketin me përmasa të sakta. ✔ Mësuam mbi simetrinë, proporcionalitetin dhe raportet matematikore që ndihmojnë në ndërtimin e një strukture të balancuar. Moment i veçantë: Matja e përmasave reale të shkollës ishte një nga momentet më argëtuese! Nxënësit përdorën metra dhe lapsa për të shënuar çdo detaj, duke llogaritur sesi mund ta reduktonim në një model më të vogël, pa humbur asnjë detaj të rëndësishë m.
Faza 3: Përzgjedhja e Materialeve (Dhjetor) – Eksperimentimi Një ndërtim i suksesshëm varet nga materialet e përdorura. Në këtë muaj, ne: ✔ Testuam materiale të ndryshme, si karton të trashë, polisterol ,shkopinj druri, letër të fortë dhe plastika të ndryshme. ✔ Krijuam prototipe të vogla për të parë se cili material ishte më i përshtatshmi. ✔ Analizuam faktorët si pesha, qëndrueshmëria dhe lehtësia e përdorimit të secilit material. Moment i veçantë: Pas shumë eksperimentesh, vendosëm që për strukturën kryesore të përdorim karton të fortë, për dritaret letër të hollë transparente, dhe për detajet shkopinj druri dhe ngjitës të posaçëm. Ishte një përvojë që na mësoi si të zgjedhim materialet në bazë të funksionalitetit dhe estetikës.
Faza 4: Ndërtimi i Strukturës Kryesore (Janar) – Koha për të Ndërtuar! Pas muajsh planifikimi, erdhi momenti i ndërtimit! ✔ Prerëm dhe vendosëm pjesët kryesore të ndërtesës, duke respektuar përmasat e llogaritura. ✔ Siguruam stabilitetin e maketit duke përdorur teknikat matematikore për ekuilibrin dhe simetrinë. ✔ Kontrolluam çdo hap të ndërtimit për të siguruar që gjithçka të përshtatej siç duhej. Moment i veçantë: Kur ndërtuam strukturën bazë dhe e pamë qëndrueshmërinë e saj, ndjemë një kënaqësi të madhe! Ishte dëshmia e parë e punës sonë të përbashkët.
Faza 5: Detajet dhe Estetika (Shkurt) – Shtimi i Magjisë Vizuale Tani që maketi kishte formë, ishte koha për detajet: ✔ Vendosëm dyer, dritare, çati dhe elemente të tjera estetike. ✔ E lyerëm maketin me ngjyra të ngrohta, për t’i dhënë jetë. ✔ Shtuam detaje të vogla, si pemë dhe trotuare, për ta bërë sa më realist. Moment i veçantë: Kur e vendosëm maketin mbi tavolinë, ai dukej si një ndërtesë e vogël e vërtetë! Ishte një moment krenarie për të gjithë ne.
Faza 6: Dokumentimi dhe Prezantimi (Mars) – Tregimi i Punës Sonë Një projekt i mirë duhet të shoqërohet me një prezantim të mirë. Në këtë fazë: ✔ Përgatitëm një prezantim në PowerPoint për të shpjeguar procesin tonë. ✔ Krijuam një album me ndërtesa të ndryshme ku matematika është përdorur në ndërtim. ✔ Ndërtuam një stendë ekspozimi. Moment i veçantë: Kur te prezantojme punën tonë . Do te jete një ndjenjë fantastike të shohim se si puna jonë ka dhënë fryte.
